Fréttir

Nemendur í fjórða til sjöunda bekk í Egilsstaðaskóla í samvinnu við Tónlistarskólann á Egilsstöðum sýna söngleikinn Ávaxtakarfan miðvikudaginn 5. febrúar klukkan 17:30. Gestir greiði aðgangseyri að eigin vali og rennur hann til kaupa á búnaði sem nýttur verður í lista- og menningarstarfsemi skólans.

Starfsfólk Egilsstaðaskóla óskar nemendum, foreldrum og öðum velunnurum skólans gleðilegra jóla og gæfuríks árs. Við hlökkum til að sjá ykkur hress á nýju ári. Skrifstofa skólans opnar mánudaginn 3.janúar kl. 10:00. Skólahald hefst aftur að loknu jólaleyfi mánudaginn 6. janúar 2020.

Lestrarþjálfun barna er sameiginlegt verkefni heimila og skóla. Lestur eykur orðaforða og eflir lesskilning. Yndislestur foreldra og barna er mikilvægur, ekki síst þegar frídagar eru framundan. Ánægjulegar samverustundir barna og fullorðinna yfir bókum eru dýrmætar. Þegar skólasöfnin eru lokuð um hátíðir og á sumrin er um að gera að nýta sér almenningssöfn í leit að lesefni. Gleðileg lestrarjól.

Nemendur á elsta stigi sýndu 16 á (von)lausu á fimmtudaginn á árshátíð skólans. Í kvöld mánudag er aukasýning, kl.20:00. Látið ekki þessa frábæru sýningu fram hjá ykkur fara.

Grunnskólinn í Stykkishólmi skoraði á Egilsstaðaskóla að taka þátt í krakkasvarinu í krakkafréttum á RUV. Krakkarnir í 6. og 7. bekk tóku árskorunni. Þeir áttu að svara spurningunni: ,,Hverjum hrósuðu þið síðast og fyrir hvað?“

Vinadagurinn okkar var haldinn í gær, 1.október. Dagurinn var að venju helgaður forvörnum og fræðslu gegn einelti. Nemendur fengu fræðslu um einelti hjá umsjónarkennurum og eftir hana hittust vinabekkir skólans og unnu sameiginlegt verkefni. Verkefnið í ár var að safna gullkornum – kærleikskveðjum frá Egilsstaðaskóla í krukku og fara með í fyrirtæki.

Eins og venja eru tveir fundir haldnir að hausti annars vegar fyrir foreldra nemenda í 1.-5. bekk og hins vegar fyrir foreldra nemenda í 6.-10. bekk.

Fréttabréf