Móttökuáætlun

Í Egilsstaðaskóla er formlega tekið á móti öllum nýjum nemendum. Foreldrar hafa samband við skólastjóra eða skrifstofu skólans þegar þeir hafa ákveðið að setjast að í skólahverfinu og skrá nemandann í skólann. Sérstakur móttökustjóri tekur við upplýsingum um nýja nemandann og hefur yfirumsjón með móttöku hans.  Í stuttu máli er móttökuferlið eftirfarandi:

  1. Nýi nemandinn og foreldrar hans eru boðaðir í heimsókn í skólann.
  2. Móttökustjórinn hittir nýja nemandann og foreldra og kynnir skólann. Foreldrar fá afhenta gagnamöppu og farið er yfir eftirfarandi atriði.
  • Almennar upplýsingar um skólann; fjölda nemenda, stefnu skólans, þjónustu, skólanámskrá, skólareglur. (upplýsingapési)
  • Upplýsingar frá foreldrum um skólagöngu nemenda, menningar og trúarlegan bakgrunn (upplýsingablað), neyðarkort útfyllt og lögheimili.
  • Stoðkerfi skólans, hvert foreldrar geta leitað ef þeir þarfnast aðstoðar með barn sitt.
  • Skipulag skólastarfsins, skóladagatal, stundaskrá, umsjónarkennari, bekkjarfélagar og almenn atriði er varða íþrótta- og sundkennslu.
  • Mikilvægi móðurmáls og hvernig foreldrar og skóli geta stuðlað að viðhaldi þess (á við nemendur með annað móðurmál).
  • Samskipti foreldra og skóla, föstudagspóstur, mentor, foreldrafundir og viðtöl á skólaárinu, túlkaþjónusta.
  • Hádegisfæði, ávaxtaáskrift og mjólk.
  • Heilsdagsvistun, félagsmiðstöð, frístundastarf í samfélaginu (fjör á Fljótsdalsh.)
  • Heimasíða skólans, mentor, Foreldrafélag skólans.
  • Fyrsti skóladagur ákveðinn og ákveðinn fundartími að mánuði liðnum.
  • Undanþágur frá námsgreinum ef um erlenda nemendur er að ræða, s.s. tungumál, trúarbragðafræði (kristin fræði)
  • Athuga með námsefni frá fyrra landi sem nemandinn getur unnið áfram
  • Vegna erlendra nemenda er virkjað móttökuteymi sem í sitja umsjónarkennari, deildarstjóri sérkennslu, sérkennari og náms- og starfsráðgjafi

 

  1. Móttökustjóri fylgir nýja nemandanum og foreldrum um skólann. Kynnt eru þau svæði sem nemandinn þarf að sækja á skólatíma, staðsetning snyrtinga, íþrótta- og sundaðstaða. Í skoðunarferð um skólann er stefnt að því að heimsækja heimastofu nemandans og hitta umsjónarkennara og skólaliða í viðkomandi álmu.
  2. Umsjónarkennari sér til þess að nýi nemandinn fái skólavin sem er í sama bekk. Hlutverk skólavinar er að leiðbeina og hjálpa nýja nemandanum að fóta sig á nýjum vinnustað.
  3. Móttökustjóri hefur samband símleiðis til foreldra og umsjónarkennara eftir 1 mánuð. Þar er upphaf skólagöngu metið hjá barninu og fundar nýjar leiðir ef þarf.
  4. Í lok ársins er móttaka nemenda metin með þátttöku nemenda, foreldra og starfsfólks skóla. Móttökustjóri hefur umsjón með matinu og endurbótum.