Úthlutun úr Sprotasjóði

Nýverið var úthlutað úr Sprotasjóði sem styrkir skólaþróunarverkefni í leik-, grunn- og framhaldsskólum. Áherslusvið sjóðsins í ár var m.a gervigreind og hlaut Egilsstaðaskóli 850 þúsund krónur í styrk til verkefnisins "Aðlögun námsefnis með hjálp gervigreindar". Ætlunin er að leita leiða til að styðja kennara við að nýta gervigreind til að aðlaga námsefni að mismunandi þörfum nemenda og koma þannig betur til móts við þá. Verkefnið verður þróað á næstu mánuðum og leiðirnar kynntar fyrir kennurum Egilsstaðaskóla á næsta skólaári.