Nemendur Egilsstaðskóla í úrslitum Nýsköpunarkeppni grunnskóla NKG

Eins og hefð er fyrir í Egilsstaðskóla tóku nemendur á miðstigi þátt í Nýsköpunarkeppni grunnskólanna eða NKG, en nýsköpun er eitt af áhersluþáttum skólastarfsins. Keppnin var haldin með öðru sniði en venjulega, þar sem ekki var hægt að bjóða upp á vinnustofur nemenda, sem áttu þær hugmyndir sem komust í úrslit. Skemmst er frá því að segja að sjö nemendur af þeim 38 nemendum, sem áttu hugmyndir í úrslitum keppninnar, komu úr Egilsstaðaskóla. Þetta voru sex nemendur úr 7.bekk og einn nemandi úr 5.bekk.  

Verðlaun voru veitt fyrir bestu hugmyndir í mismunandi flokkum og hlaut Bóel Birna Kristdórsdóttir nemandi í 7.bekk Umhverfisverðlaun NKG og Einkaleyfisstofu fyrir umhverfisvæna nýsköpun með hugmynd sinni Heimaplastbræðsluvél. Til hamingju kæru nemendur með hugmyndaauðgi og sköpunarkraft!